Fitos de AFAGA

A Asociación de Familiares de enfermos de Alzheimer e outras demencias de Galicia (AFAGA) nace no ano 1994 froito do interese dun grupo de familiares por mor da desorientación e a falta de información que naquel momento existía respecto desta enfermidade. AFAGA foi a primeira asociación de familiares de Galicia.

Prestación dunha serie de atencións de carácter persoal e doméstico destinado ás persoas afectadas por algún tipo de demencia neurodegenerativa e a súa contorna convivencial por parte de persoal TCAE con formación específica no campo.

Os participantes en convocatorias previas
terapéuticas convertéronse en GAM con seguimento profesional, reúnense trimestralmente co seu profesional de referencia e complementan con actividades de lecer e tempo libre organizados por eles mesmos.

AFAGA -xunto a AFACO, AFAPO e AFAOR- crea a A Federación de Asociacións Galegas de Familiares de Enfermos de Alzhéimer e Outras Demencias (FAGAL).

Comezan a funcionar os primeiros grupos de Estimulación Cognitiva, con actividades dirixidas a manter as habilidades, coñecementos e condutas que aínda posúen as personas con alzhéimer e outras demencias.

Primeira edición das Xornadas Profesionais nas que expertos en diversos sectores relacionados coas demencias departen e comparten os últimos avances e descubrimentos.

AFAGA é recoñecida pola Administración con esta condición por reunir unha serie de características en canto á súa composición, fins e obxectivos, declarados de interese xeral.

AFAGA xestiona dende o ano 2008 o centro de día especializado en alzhéimer e outras demencias. Este centro réxese mediante convenio coa Xunta de Galicia e ten 40 prazas destinadas a persoas maiores con demencia tipo Alzheimer.

AFAGA xestiona a Unidade de Atención Diúrna de Porriño.

Este centro réxese mediante convenio coa Xunta de Galicia e ten 24 prazas destinadas a persoas maiores con demencia tipo Alzheimer. Trátase dun proxecto piloto na Comunidade como recurso de media estancia de titularidade pública.

AFAGA exerceu a presidencia da Federación de Asociacións Galegas de Familiares de Enfermos de Alzhéimer e outras Demencias dende 2008 a 2020.

AFAGA inicia o servizo de fisioterapia a domicilio. Márcanse pautas domiciliarias e valóranse diferentes realidades do usuario: ton muscular, risco de caídas, dificultade nas transferencias, patoloxías respiratorias e vasculares, dor, marcha e trastornos do movemento fundamentalmente.

Logo de estar nas rúas Marqués de Valladares e Oliva, a finais do ano 2011, AFAGA puxo en marcha o Centro de Atención Integral para enfermos de alzhéimer e outras demencias, centro da súa titularidade situado no local propiedade do Concello de Vigo.

En 2011, AFAGA comeza a formar parte de CEAFA, a Confederación Española de Alzhéimer.

AFAGA foi Vicepresidenta da Confederación dende 2011 a 2015.

O taller ‘Cultiva a Mente’ engloba a prevención da demencia e a promoción de hábitos saudables a nivel cognitivo e emocional. É un programa deseñado para exercitar a mente, pero tamén para socializar, para escapar da rutina do día a día, para divertirse e, desta forma, espertar nas persoas usuarias novas inquietudes intelectuais.

AFAGA conta cun dos softwares de estimulación cognitiva para persoas con demencias máis validados, o novo GRADIOR Suite, creado pola Fundación INTRAS. Con este programa podemos traballar de forma completamente personalizada, adaptando a estimulación ás características das persoas con demencia. 

Comezamos o noso blog 'O Recuncho do Coidador', coa intención de ofrecer información de valía ás persoas coidadoras e familiares de enfermos de alzhéimer e outras demencias, dende diversos aspectos (psicolóxico, xurídico, funcional...).

Estreamos a nosa plataforma en liña de formación a profesionais na atención a persoas con alzhéimer e outras demencias.

Inicio en Tui de obradoiros de estimulación cognitiva e funcional para persoas afectadas por alzhéimer e outras enfermedades neurodexenerativas.

Obradoiros de estimulación cognitiva e funcional na Casa Reitoral de Mos.

AFAGA abre conta en Facebook e Twitter.

Primeira edición do Concurso de relatos curtos “Nun recuncho da memoria”

Primeira edición da Gala Benéfica 'Non te esquezas de rir', na que diversos cómicos fannos pasar unha boa tarde á vez que se colabora cunha boa causa. A recadación destínase á posta en marcha de novos programas dirixidos a persoas afectadas por alzhéimer e aos seus familiares.

Inicio en Salceda dos obradoiros de estimulación cognitiva e funcional, dirixidos a persoas que padecen alzhéimer ou outras enfermidades neurodexenerativas.

No centro de atención ao alzhéimer “Baixo Miño” de Tui ofrécense obradoiros de estimulación congnitiva e funcional para todos os usuarios.

Estrea do Departamento de Asesoramento Xurídico de AFAGA, un servizo que nace coa finalidade principal de dar soporte en aspectos xurídicos relevantes a familiares de persoas con alzhéimer e outras demencias, así como ao propio enfermo.

O título de “Vigués Distinguido” é un galardón que sinala a unha persoa ou a un grupo de persoas que destacaron ao longo da súa vida polas súas virtudes humanas ou o seu quefacer profesional. Este título concédese tamén a aquelas entidades, institucións ou empresas cuxa actividade se proxecta en beneficio da cidade ou dos seus habitantes, xa sexa pola natureza dos seus obxectivos xa polo éxito ou a repercusión da súa traxectoria.

Inicio en Nigrán dos “obradoiros de estimulación cognitiva e funcional” dirixidos a usuarios aos que se lles diagnostica alzhéimer ou outras enfermidades neurodexenerativas.

Inicio en en Ponteareas dos obradoiros de estimulación cognitiva e funcional, dirixidos a persoas que padecen alzhéimer u outras enfermidades neurodexenerativas.

Dende o ano 2019 celébranse en Redondela obradoiros de estimulación funcional e cognitiva dirixidos a usuarios que padecen alzhéimer ou outras enfermidades neurodexenerativas.

Nace o coro 'Os Sons da Memoria' de AFAGA, da man da Fundación Coral Casablanca. Está composto por persoas usuarias de AFAGA e os seus coidadores e familiares, ademais de profesionais e voluntarios da asociación. O seu obxectivo é estimular a memoria das persoas con demencia interpretando cancións que forman parte das súas vidas xa que, segundo demostran estudos científicos, a memoria musical é unha das últimas en sufrir deterioración.

AFAGA comprométese coa investigación e comeza a súa colaboración nos seguintes proxectos:

• Biofamalz
• DigiMoCA
• Panoramix-Gatekeeper
• Celia
• Frida
• IN4AHA

En 2021 ponse en marcha este servizo como resposta ante as dificultades da pandemia provocada polo coronavirus, pero con espírito de permanencia no tempo.
A persoa beneficiaria recibe unhas horas semanais sesións de estimulación cognitiva programadas por un psicólogo sanitario e implementadas por TCAE.

O Centro de Día Terapéutico Marín, un proxecto en colaboración con AFAPO, está dirixidos a persoas ás que se lles diagnostica alzhéimer ou outras enfermidades neurodexenerativas.

En 2022 iníciase o servizo de transporte para facilitar a chegada ao centro de Martínez Garrido a aqueles usuarios con máis dificultades de traslado.

Dende o ano 2022 celébranse en Vilagarcía de Arousa obradoiros de prevención do deterioro cognitivo para persoas a partir de 55 anos.

En 2022 naceu a cátedra de Idadismo, unha iniciativa pioneira en España, baixo iniciativa da Universidade de Vigo, AFAGA e ATENDO. Esta cátedra impúlsase co obxectivo de contribuír á transformación na maneira de pensar, sentir e actuar ante o envellecemento.

No marco dos actos polo Día Mundial do Alzhéimer inaugurouse a Praza da Memoria situada fronte á Sede de AFAGA.