Atención a domicilio

O Programa de atención a domicilio púxose en marcha para ofrecer axuda e apoio aos familiares coidadores no domicilio e para favorecer o mantemento do enfermo no seu ámbito o maior tempo posible. A asociación ofrece varios tipos de apoio no fogar:

Servizo de Axuda a Domicilio (SAD)
Dedícase principalmente ao aseo e coidados de atención persoal da persoa enferma aínda que, entre as súas labores, a auxiliar ten tamén a formación en coidados das persoas responsables dos coidados. Este é un servizo que se presta en de luns a venres en horario de mañás.

Servizo de Estimulación Cognitiva a Domicilio 
Utilizando tablets e software de estimulación específico GRADIOR. Este servizo está integrado por un psicólogo sanitario, persoal técnico en coidados auxiliares, traballadora social e persoa de administración.

Servizo de Respiro ‘Sábados Esporádicos’
A diferenza co anterior servizo é que se presta os sábados en horario continuado entre 4 e 6 horas seguidas (facilitando desta maneira que o familiar poida gozar dun breve período de descanso).

Servizo de Axuda a Domicilio ‘Respiro’
Continúa co criterio inicial de prestación de servizo, neste caso de luns a venres en horario de tarde e coa finalidade de dar unhas horas libres aos familiares para que poidan realizar actividades puntuais que antes non podían levar a cabo por estar a cargo dunha persoa con alzhéimer ou outra demencia.