Proxecto Celia / 'N-compañía'

O proxecto levado a cabo entre a Universidade de Vigo e AFAGA co financiamento de Obra Social A Caixa, abriu un novo espectro de intervención terapéutica no domicilio consistente no desenvolvemento dun asistente de voz con interface personalizable que interactúa coa persoa beneficiase a través de actividades que fomentan as capacidades cognitivas.

En 2022 un total de 30 persoas puideron facer uso da aplicación chamada “Celia” instalada nunha tablet que foi entregada a cada un deles.

AFAGA, desde o seu Servizo de Atención Domiciliaria, coordinou o proxecto finalizado en setembro do 2022 implicándose na atención terapéutica directa a estas persoas.

O Grupo de Tecnoloxías da Información da Escola de Telecomunicacións da Universidade de Vigo desenvolveu e adaptou o software de estimulación terapéutica ás condicións particulares de cada usuario polo que existiu unha constante comunicación entre entidades para poder ofrecer unha experiencia satisfactoria.