Actívate é un programa de prevención da demencia e promoción do envellecemento activo e saudable nos ámbitos cognitivo, físico, funcional, emocional e social.

Está deseñado para exercitar a mente e o corpo de forma integral, combinando nun mesmo programa os contidos e beneficios de Cultiva a Mente e Coida o Corpo.

A través de actividades dinámicas e participativas, trabállanse capacidades cognitivas, físicas e funcionais, ao tempo que se favorecen a socialización, o benestar emocional e a adquisición de hábitos de vida saudables.