José Carreira, presidente de Alzheimer Portugal visitou, o pasado venres, o centro de Atención integral de Afaga. Os principais obxectivos deste encontro foron coñecer de preto a metodoloxía de traballo da asociación, compartir experiencias, e establecer sinerxias que poidan derivar en novos proxectos de actuación conxuntos.
José Carreira participou tamén nas XVI Xornadas Interdisciplinares da Federación Alzheimer Galicia (Fagal), que se celebraron o sábado, 9 de xuño, en Santiago de Compostela. Un evento ao que acudimos profesionais de todas as asociacións de alzhéimer de Galicia. O presidente da entidade portuguesa realizou unha interesante aproximación á situación das demencias en Portugal, así como a metodoloxía de traballo de Alzheimer Portugal.
Galego
Español
English
