- Nace un novo proxecto de colaboración entre AFAGA e Empark para que a asociación dispoña de puntos de recarga para o seu coche eléctrico e unha praza de aparcadoiro.
AFAGA Alzhéimer iniciou este mes de xullo un proxecto de colaboración coa empresa Empark, líder no sector de aparcadoiros e movilidade en España e Portugal. “Me muevo por ti” é unha iniciativa creada para facilitar a labor de AFAGA á hora de desprazarse por aldeas e municipios da provincia de Pontevedra e así ofrecer os seus servizos tanto a pacientes de alzhéimer ou outras demencias coma aos seus familiares e coidadores.
A asociación, cun forte sentido de responsabilidade social en materia de protección e o coidado do medio ambiente, ten na actualidade un coche eléctrico para levar a cabo os seus servizos de coidado e atención nos distintos puntos da provincia de Pontevedra. Con este pacto con Empark disporán de puntos de recarga gratuitos e unha praza de aparcadoiro reservada para estacionar o seu vehículo.
O 5 de xullo Juan Carlos Rodríguez Bernárdez e Mari Carmen Álvarez Yrago, en representación da xunta directiva de AFAGA, cerraron o acordo con Alberto Baña Neira, representante da empresa Empark.
