Por ludoterapia, entendemos a terapia realizada mediante o xogo.
Con todo, non todos os xogos serven para este labor, dependendo das características das persoa, hai que escoller o tipo de xogo adecuado.
Para iso hai que ter en conta cosas como o seu estado físico, o avance da enfermidade, o seu nivel cultural ou estado anímico.
Neste artigo, Pedro Gaspar, Terapeuta Ocupacional de AFAGA, explica en que consiste, como aplicala nos talleres con persoas maiores e cales son o seu beneficios.
A ludoterapia:
motivadora, divertida e estimulante
Traballar con persoas maiores dependentes implica realizar talleres de estimulación cognitiva, traballando aspectos como a memoria, a atención ou a orientación, así como actividades funcionais, como ximnasia ou motricidade. Non obstante, non debemos esquecer que o máis adecuado é traballar esas funcións mediante actividades que motiven aos nosos usuarios a participar dunha forma divertida, dinámica e relaxada. Algúns exemplos neste sentido son os talleres de cociña, a terapia con animais, a musicoterapia e a ludoterapia. Esta última é a que quero tratar no artigo de hoxe.
Entendemos por ludoterapia a terapia realizada a través do xogo. Non obstante, non todos os xogos serven para este propósito, e dependendo das características da persoa, hai que escoller o tipo de xogo adecuado. Para iso, temos en conta aspectos como o seu estado físico, o avance da enfermidade, o seu nivel cultural ou o seu estado anímico.
Un exemplo claro é cando traballamos cun grupo no que o deterioro físico sexa importante, pois non poderemos realizar xogos que impliquen erguerse, saltar, correr, etc., evitando posibles caídas. Ou se as persoas teñen un nivel de estudos moi baixo, non realizaremos xogos de cálculo, lectura ou coñecementos para evitar a frustración e o rexeitamento da actividade.
En moitas ocasións, os xogos que realizamos poden ser levados a cabo polos nosos usuarios, pero para iso precisarán dunha adaptación axeitada para desfrutar óptimamente deles. Por exemplo, a unha persoa con déficit visual poñémoslle un cartón de bingo con números grandes e fáciles de ver para que poida seguir a actividade ó mesmo ritmo que os seus compañeiros.
Na ludoterapia traballamos moitas capacidades dos nosos maiores, pero damos especial importancia ás que necesitan no seu día a día, como as relacións sociais, a expresión, a comunicación, a satisfacción, a camaradería, etc.
A satisfacción é palpable en todo momento durante estas actividades, pois desfrutan co xogo e demostran alegría cando gañan ou cando ven que o seu equipo suma máis puntos que o outro.
Por outra banda, tamén se estimula a capacidade de esforzo e mellora. Movidos pola competitividade, intentan realizar as tarefas do mellor xeito posible. Esta competición, na maioría dos casos, é saudable. Con todo, ás veces atopamos persoas demasiado competitivas que sempre teñen que gañar, pero aí é onde os técnicos que coordinamos a actividade temos que resaltar a importancia da parte lúdica, de disfrutar participando, sen máis, para lograr un correcto desenvolvemento do xogo.
A participación no xogo é das máis altas en calquera outra terapia e a concentración e a atención mantense durante todo o taller, conseguindo que moitos usuarios poñan interese no que non poría noutros momentos.
As sesións de ludoterapia son actividades máis reláxase e menos esixentes, polo que é conveniente programalas ao final da semana, xa que os usuarios agradecerán facer un taller diferente.
Algúns exemplos de ludoterapia son:
- Bingo
- Xogo de bólas
- Alfombra de puntuacións
- Xogos variados con balóns
- Cartas
- Dominó
En definitiva, a ludoterapia é unha actividade necesaria e moi completa para realizar con persoas que sofren algunha demencia. É motivadora, divertida, estimulante e beneficiosa, tanto a nivel psicofuncional como anímico. Cremos que non se pode pedir máis dunha terapia!
Pedro Gaspar
Terapeuta Ocupacional de AFAGA
