- Boris Izaguirre, xornalista e presentador, doou esa cantidade a AFAGA Alzhéimer.
AFAGA Alzhéimer presenta o seu máis sincero agradecemento a Boris Izaguirre pola súa demostración de xenerosidade coa asociación doando 10.000 euros que gañou no programa “Quen quere ser millonario?”.
Juan Carlos Rodríguez, presidente de AFAGA Alzhéimer, mostrouse moi feliz e agradecido. Asegurou que os 10.000 euros serán reforzo para mellorar os proxectos de apoio psicolóxico ás familias de usuarios diagnosticados de alzhéimer ou algún outro tipo de demencia neurodexenerativa.
Rodríguez asegurou que, debido ás repercusións sociais e psicolóxicas da pandemia, engadindo ás consecuencias directas sobre a situación de vulnerabilidade no contorno familiar parece pertinente reforzar os programas de apoio psicolóxico a familiares-coidadores-amigos próximos de persoas con alzhéimer.
