Na enfermidade de Alzheimer e outras demencias poden aparecer síntomas de deterioración da capacidade motora. En resposta a esta problemática,  Afaga Alzheimer ofrece un servizo de Fisioterapia no Domicilio, a través do cal, pretendemos traballar a redución progresiva da mobilidade e os síntomas asociados como a rixidez, a  anquilosis ou o risco de caídas, entre outras doenzas. Ao mesmo tempo, o profesional en fisioterapia proporciona aos familiares e/ou coidadores coñecementos prácticos que lles permitan realizar exercicios coa persoa con demencia sen que isto supoña un risco para ambos.

Cando a familia e/ou coidador/a detecta unha necesidade a nivel físico da persoa con demencia, sería conveniente que se puxese en contacto coa nosa asociación.  Afaga Alzheimer realizará unha valoración por parte do profesional en Fisioterapia e a Educadora Social para, a continuación, iniciar a prestación do servizo.

As sesións de fisioterapia realízanse unha vez á semana cunha duración concreta de 45 minutos no domicilio da persoa afectada, co obxectivo final de aliviar as molestias físicas asociadas á deterioración da capacidade motora e reducir os síntomas, prolongando así a autonomía e a calidade de vida da persoa.

Máis información:

• Teléfono: 986 22 97 97
• E-mail: fisioterapia@afaga.com
• Persoa de contacto: Lorena Costas