Tras unha complicada deliberación, debido á gran calidade e humanidade dos traballos recibidos, os membros do xurado do IV Concurso de Relato Curto sobre Alzheimer acordaron que a obra gañadora é ‘Erik e o reloxo de pulseira’, escrita por Amaya Moral Ortega.

Pica aquí para ler o relato enteiro Erik e o reloxo de pulseira

Concedéronse tres accésit, que recaeron en:

  • Á Emotividade: ‘Hoxe croquetas’, de Ana Mª Ruano Benítez 
  • A Originalidade: ‘Sed‘, de Javier Albillo Candelas
  • Ao Estilo: ‘O mellor antídoto’, de Alfonso Fernando Quero González

O xurado estivo composto por:

  • Cristina Villanueva, Responsable de Comunicación de Afaga
  • Maite Giraldez, Voluntaria de Afaga
  • Lorena Costas, Educadora Social de Afaga
  • Diana Rodríguez, Traballadora Social de Afaga.

Recibíronse un total de 150 relatos, entre os que hai historias moi bonitas e emotivas, escritas con moito corazón, desde a perspectiva do coidador/ ou dun familiar. Son relatos que falan de sentimentos, emocións, angustias, inquietudes,…
Os relatos recibidos, e cuxos autores así o autorizaron, iranse publicando cada quince días no blogue, O Recuncho do Coidador. Desde Afaga queremos agradecer a gran acollida que tivo este concurso e os magníficos relatos que nos chegaron. Tamén queremos dar as grazas á Deputación de Pontevedra, polo apoio que nos presta para poder realizar este certame.

Parabéns a todos os participantes e grazas por enviarnos todos estes fantásticos relatos!

Deixa unha resposta

O teu enderezo electrónico non se publicará Os campos obrigatorios están marcados con *

6 + 4 =