Festival de Nadal do Centro de Día ‘Vigo-Beiramar’ de AFAGA

Que ben o pasamos!

Mércores 21 de decembro, 16:30h. Un lugar tan serio como a sede da Xunta de Galicia en Vigo está a piques de perder a compostura e converterse nun sitio onde prima a diversión… E é que alí nos citamos usuarios do Centro de Día, os seus coidadores e familiares e os traballadores para celebrar o noso Festival de Nadal.

Foi unha tarde fantástica 😊

Comezamos cunhas palabras do noso presidente, Juan Carlos Rodríguez, e pasamos ao programa do evento. O primeiro: un vídeo realizado con fotografías das actividades que realizaron os usuarios durante este ano. A reacción foi moi emotiva, e é normal, estes meses traballaron moito en talleres, eventos, excursións… e rememoralo así é un gustazo, tamén para os seus seres queridos.

O Festival de Nadal do Centro de Día continuou cunha actuación dos propios usuarios que, xunto a algunhas traballadoras, interpretaron unha panxoliña ‘remix’. Éxito total.

Outro grupo de usuarios recitounos o conto ‘A viaxe de Carlota’, outro momento de emocións a flor de pel, que foron a máis coa entrega de diplomas a todos eles pola motivación e participación destes últimos meses. Por suposto, todos sacaron matrícula de honra.

afaga_centro-dia-alzheimer-beiramar_nadal_2022_web_3

Cando xa se venceu toda timidez foi coa actuación do Grupo de Acordeóns ‘Helios’ de Bembrive, que nos deleitaron con moita música tradicional galega. O salón de actos da Xunta transformouse en toda unha pista de baile. Que ritmo!

afaga_centro-dia-alzheimer-beiramar_nadal_2022_web_2

E sorpresón final coa actuación ‘Nai Terra’ das traballadoras do Centro de Día. Fixérono fenomenal!

Queres velo todo? Meu dito meu feito, isto é para ti:

Que che parece? Gustouche? Lémosche en comentarios 👇
P.D. Temos un ‘bonus’, a actuación íntegra do noso equipo 😉

Deixar un comentario

O teu enderezo electrónico non se publicará Os campos obrigatorios están marcados con *

Scroll ao inicio