O novo Centro de Atención ao Alzheimer Baixo Miño abriu as suas portas

Os usuarios dos talleres de Tui xa estrearon as novas instalacións, situadas na antiga Escola de Chans, que cedeu o Concello de Tui a Afaga o pasado mes de maio.

Neste centro, a asociación desenvolve talleres de estimulación cognitiva e funcional dirixidos a enfermos leves e moderados, ademais doutras actividades dirixidas á mellora da calidade de vida das persoas enfermas e as súas familias.

Con ese obxectivo aplícanse diversas terapias funcionais e motrices, cognitivas e socializadoras, que serven para ralentizar a deterioración global que implican ás devanditas doenzas e prever o illamento social da persoa doente e do seu entorno.

O espazo, que ten unha superficie de 110 metros cadrados, sitúase na antiga Escola de Chans, en Randufe, Tui.