Descansar… para seguir coidando

Descansar, para seguir coidando

Coidar dun familiar con alzhéimer ou outra demencia desgasta físicamente, pero, sobre todo, mentalmente.

Aceptar este tipo de enfermidades tan complexas, que afectan a diferentes niveis da persoa enferma (cognitivo, emocional, conductual, funcional, social,…) é difícil.

Coñecer e entender o que conlevan os síntomas no día a día…custa.

Querer axudarlle, supervisarlle ou apoiarlle para que poida seguir sendo independente… desgástanos, porque non se deixan acompañar neste proceso -nin eles mesmos saben o que lles está ocorrendo-.

E ser responsable do seu día a día ademais da túa propia vida, cansa…, aínda que se faga con motivación e sentimentos positivos.

Por iso, para seguir coidando con paciencia, cariño e comprensión, hai que descansar. Desconectar da situación diaria e separarnos temporalmente do noso familiar (horas, días, semanas…) é conveniente ao longo de todo o ano, pero quizais na temporada estival é a época onde nos apetece máis e podemos organizar mellor.

O paso inicial é comunicar a outros membros da familia que tomen a responsabilidade dos CUIDADOS do noso familiar por uns días -ás veces custa “pedir axuda” porque supoñemos que os demais saben como nos atopamos ou nos sentimos-. Con todo, hai que pensar que é complexo entender o que conleva coidar dunha persoa con demencia se non se convive con el ou se non es o responsable da calidade de vida do mesmo. Por iso, o principal é mostrar aos nosos familiares esa necesidade de respiro, de descanso, que temos.

Con todo, se por diferentes motivos non podemos contar con que outro familiar nos releve, temos á nosa disposición RECURSOS SOCIAIS de apoio:

• Centros de día: Se xa asiste de forma continuada, podemos AMPLIAR A XORNADA ou a cantidade de días durante estes meses para poder ter máis tempo para ti e realizar actividades de lecer (excursións, comidas, praia,…). E se non asiste a este tipo de recurso, podemos incluílo unhas horas.
• Residencias: A través de PROGRAMAS DE RESPIRO FAMILIAR. Son estancias temporais nas que o noso familiar estará moi ben acompañado por outras persoas maiores e profesionais que lle van aportar coidados de calidade e cariño.

Planteádevos que debemos confiar e delegar temporalmente no equipo de profesionais que traballan tanto nos centros de día como nas residencias. Eles coidan e acompañan aos nosos familiares, PARA PODER RESPIRAR e SEGUIR ADELANTE NO VALEROSO E GRAN RETO QUE É CUIDAR DO TEU FAMILIAR CON DEMENCIA.

ASÍ QUE, A DESCANSAR!

Maxi Rodríguez

Psicóloga de AFAGA

Xullo 2016